
Katsina Football Academy ta fitar da sunayen ‘yan wasa 16 da aka zabo domin shiga Kwalejin a shekarar 2025.
Daraktan wasanni na Kwalejin Shamsuddeen Ibrahim ya bayyana haka ga sashen yada labarai na makarantar.
A cewar daraktan wasanni na makarantar, an zabo ‘yan wasan ne daga kananan hukumomin jihar 24, biyo bayan tantancewar da aka gudanar a matakin shiyya da na karshe a filin wasa na Muhammadu Dikko Katsina.
‘Yan wasa 16 da aka zabo sun fito ne daga Funtua, Katsina, Dutsi, Daura, Kurfi Safana, Batagarawa, Mashi , Mani Bakori, Dan’musa da Mai’adua.
‘Yan wasan da aka tantance sun hada da Abubakar Sufyanu da Valverde da Muhammad Sa’idu da Aliyu Mansir da Al’ameen Mas’ud da Mustapha Hassan da Nura S Nura da Bakir Abdulsalam da Abdullahi Haruna.
Sauran sun hada da Abbas Ibrahim, Usman Hamisu, Fahad Dikko, Mustapha Aliyu, Salihu Abbati, Aliyu Yakubu da Sulaiman Ibrahim.
Hakazalika daraktan wasanni na Kwalejin ya kara da cewa akwai kuma ‘yan wasa tara (9) da aka tantance wadanda ake sa ran za su shiga Kwalejin da suka hada da Abubakar Dan’soja da Umar Bala daga karamar hukumar Katsina, Sani Ibrahim Sani Safana, Surajo Umar Mashi, Bilyaminu Kasim Ingawa, Umar Haruna Dutsi, Abbas Ahmad Funtua, Aminu Abubakar Kurfi da Shu’aibu Abdullahi daga Daura.
Bugu da ƙari, an tsara makon farko na Afrilu 2025 a matsayin ranar ba da rahoto ga makarantar don waɗanda aka zaɓa za su fara horo.