Gwamnatin jihar Kwara ta ce za ta hada kai da bankin masana’antu domin ganin ayyukan gwamnatin tarayya sun yi tasiri mai dorewa ga al’ummar jihar.

Gwamna AbdulRahman AbdulRazq ya bayyana haka ne a lokacin da yake jawabi a wajen wani taron masu ruwa da tsaki kan shirin ba da tallafin da shugaban kasa tallafin da lamuni ga MMSMEs a Ilọrin.

Gwamna AbdulRazq wanda ya samu wakilcin mai kula da kanana da matsakaitan masana’antu, Dr Lawal Olorungbebe, ya ce akwai bukatar a kara yawan masu cin gajiyar ayyukan.

Ya shawarci bankin masana’antu da ya kira taron masu ruwa da tsaki domin wayar da kan mazauna yankin yadda za su samu tallafin.

AbdulRazq ya bukaci ‘yan kasuwa da masu sana’o’in hannu da su tabbatar sun yi amfani da wurin da aka ba su domin bunkasa kasuwancinsu zuwa wani matakin kishi.

Ya godewa gwamnatin tarayya da bankin masana’antu bisa bullo da shirin na taimakawa masu kananan sana’o’i.

A nasa jawabin shugaban kungiyar masu kananan sana’o’i ta Najeriya reshen jihar Kwara, Olawoyin Solomon ya ce makasudin shirin shi ne a kara kwarin gwiwar masu kananan masana’antu a jihar.

Ya ce ana koyar da masu kananan sana’o’i da masu sana’o’in hannu yadda za su samu lamuni da bunkasa kasuwancinsu.

Solomon ya shawarci wadanda suka samu lamuni da su tabbatar da an biya su cikin gaggawa domin wasu su amfana.

A nasa jawabin shugaban kungiyar masu kananan sana’o’i ta kasa, Mista Babatunde Aremu ya ce shigar da ‘yan kasuwar Nano cikin shirin abin yabawa ne.

Ya ce tallafin da Lamuni ya taimaka wa ‘yan kasuwa da masu sana’ar hannu wajen fadada kasuwancinsu.

Babatunde ya roki gwamnatin tarayya da ta bude iyakar Chikanda domin saukaka harkokin kasuwanci a jihar.

A nasa jawabin babban bako daga bankin masana’antu, Mista Harrison Isaac ya ce gwamnatin tarayya ta bullo da karin naira biliyan 75 a cikin shirin domin bunkasa tattalin arzikin kasa.

Ya ce masu sha’awar fara sana’a, fadada wanda ake da su ko inganta sana’ar sun cancanci samun lamuni.

Mista Isaac ya bukaci gwamnatin jihar da ta kuma taimaka wa masu sana’ar kere-kere da sarrafa su da kuma kara kima wajen samun lamuni domin bunkasa tattalin arzikin jihar.