Ministan Sadarwa ya yabawa Katsina Directorate of Information & Communication Technology (KATDICT) a fannin canji na dijital a fadin Arewacin Najeriya.

Dokta Bosun Tijjani ya yi wannan yabon ne a lokacin da ya ziyarci cibiyar yada labarai da fasahar sadarwa KATDICT ta jihar Katsina a ziyarar aiki.

Ministan Sadarwa Dr Bosun Tijjani wanda ya kasance a Katsina domin tattaunawa da Mahalarta taron na 3MTT tun da farko ya samu tarba daga Daraktan yada labarai da fasahar sadarwa na jihar Katsina Malam Naufal Ahmed.

Ministan yayin da yake jawabi ga mahalarta taron ya ji dadin yadda suka gudanar da ayyukansu sannan ya bukace su da su yi amfani da ilimin da suka samu wajen cimma manufofin da ake so.

Dokta Bosun Tijjani ya sanar da taron cewa gwamnatin shugaba Bola Ahmed Tinubu ta shirya horas da miliyoyin Matasan Najeriya kan fasahar zamani ta hanyar ma’aikatarsa.

Wannan a cewarsa zai taimaka wajen taimakawa Matasan Najeriya wajen tsayawa da kafafunsu maimakon jiran aikin farar hula.

Ministan Sadarwa Dokta Bosom Tijjani ya yi amfani da ziyarar wajen yabawa Gwamnatin Gwamna Dikko Umar Radda bisa irin fifikon da ake bukata na samar da canjin zamani wanda ya kai ga kafa Hukumar KATDICT ta Jihar Katsina.

Babban Daraktan KATDICT Mal Naufal Ahmed ya godewa ministan bisa wannan ziyarar, inda ya ce ziyarar za ta kasance wata hanya ce ta KATDICT na neman bangarorin hadin gwiwa da ma’aikatar sadarwa, yada labarai da tattalin arzikin dijital ta tarayya.

Shugaban ya bayyanawa Ministan akan kudirin gwamna Dikko Umar Radda na bunkasa harkar sadarwa da kirkire-kirkire a jihar.